Тэмцэгч Ч.Мөнхбаярыг шүүх хурал өчигдөр болж, түүнийг гэм буруутайд тооцож, 10 жилийн хорих ял оноосон.

Хэргийг эргэн сануулбал, Тагнуулын ерөнхий газраас мөрдөн шалгах ажиллагаа явуулж, Ч.Мөнхбаярыг гадаад улсын тагнуулын албатай хамтран ажиллахаар тохиролцсон, хамтран ажилласан гэх үндэслэлээр гудамжнаас баривчилж, гэрт нь нэгжлэг хийсэн байдаг. Мөн гэрээс нь бага хэмжээний бэлэн мөнгө, бичиг, баримт хураан авсан билээ. Тэгвэл түүнийг гэм буруутайд тооцож, нээлттэй хорих ангид 10 жилийн хорихоор боллоо.

Бид энэ талаар шүүгдэгч Ч.Мөнхбаярын дүү Ч.Мөнх-Эрдэнэтэй холбогдлоо. Тэрбээр “Ахад холбогдох хэргийн талаар ар гэрийнхэн нь юу ч ярьж болохгүй. Хуулийн байгууллагаас биднийг мэдээлэл өгөхийг хориглож, гарын үсэг зуруулсан. Ахын талаар өмгөөлөгч нараас нь тодруулаарай” гэв.