Засгийн газрын ээлжит хуралдаанаар зарим албан тушаалтнуудыг дэд сайд, төрийн нарийн бичгийн даргын албанд томилж заримыг нь өөр байгууллагад сэлгэн ажиллуулах асуудлыг хэлэлцэж байна. Тухайлбал, Сангийн яамны Төрийн нарийн бичгийн дарга Санжаагийн Наранцогтыг Эдийн засгийн хөгжлийн яамны дэд сайдаар томилохоор болсон билээ.

Шинээр байгуулагдаж буй Эдийн засгийн хөгжлийн яамны дэд сайдаар томилогдох С.Наранцогт нь МУИС, Сөүлийн их сургуулийг төгссөн. Физик, математик PhD докторын зэрэгтэй. Сангийн яам, БСШУЯ, Хөдөлмөрийн яаманд газрын даргын албыг хашиж байсан. Төрийн банкны ТУЗ-ийн гишүүн бөгөөд ТУЗ-ийн дэргэдэх Хүний нөөц, урамшууллын асуудал эрхэлсэн хорооны даргаар ажиллаж байсан. Мөн 2017 оноос Сангийн яамны ТНБД-аар томилогдон ажиллаж байсан юм.

Хөрөнгө оруулгын мэдүүлэг

Жилийн нийт орлого: 83.746.000 төгрөг

Гэр бүлийн орлого: 38.986.000 төгрөг

Орон сууц, барилга байгууламж нийт дүн: 650 сая

Тээврийн хэрэгсэл: Суудлын жижиг машин,Toyota, Harrier- 1

Тээврийн хэрэгсэл нийт дүн: 20 сая

Газар нийт дүн: Эзэмших эрхийн 12 сая төгрөгөөр үнэлэгдэх газартай

Үнэт эдлэл, урлаг, түүхийн үнэт зүйл нийт дүн: 40 сая

Дотоодын банк, санхүүгийн байгууллагад байрлах хадгаламж, данс, мөнгөн хөрөнгийн нийт дүн: 47.743.000 төгрөг

Авлага нийт дүн: 199.492.000 төгрөг

Зээл: 250 сая төгрөгийн зээлтэй

Хөрөнгө оруулалт: Эрдэнэс Таван Толгой ХК ХК (5360ш)