З.МЭНДСАЙХАН: Хариуцлага алдсан алба хаагчдыг ажлаас нь чөлөөлнө

2021-02-16, 1369

Хөдөө аж ахуйг дэмжих сангийн удирдах ажилтнууд өчигдөр (2021.02.15) ажлын байрандаа архидаж, зодолдож, танхайрсан байна. Тодруулбал, тус сангийн Дэд захирал Н.Алтанзагас, Дэд захирал М.Цэрэндорж, Санхүү бүртгэл, хөрөнгө оруулалтын газрын дарга Ц.Бат-Эрдэнэ, Хууль эрсдэл, өрийн удирдлагын газрын дарга Б.Энхбаяр, Ерөнхий болон ахлах нягтлан бодогч нар нийлж, ажлын байрандаа архидан, зодолдож танхайрсан учир цагдаагийн 102 дугаарт дуудлага өгчээ.

Уг мэдээллийн дагуу цагдаагийн байгууллага материалжуулан шалгахаас гадна Хүнс, хөдөө аж ахуй, хөнгөн үйлдвэрийн яамнаас Дотоод хяналт шалгалт гарч, асуудлыг тодорхой болгожээ. Энэ дагуу салбарын сайд З.Мэндсайханаас тодрууллаа. Тэрбээр "“Төрийн албан хаагчид төрийн албаны тухай хуулийн дагуу ажил үүргээ хариуцлагатай, ёс зүйтэй хийж гүйцэтгэх үүрэгтэй. Гэтэл ажлын байранд хариуцлага алдаж, зөрчил гаргалаа.

Гамшгаас хамгаалах бүх нийтийн байдлын зэрэгт шилжүүлсэн хугацаанд ажлын тусгай горимоор ажиллах талаар Засгийн газар, Улсын онцгой комиссоос гаргасан шийдвэр, чиглэлийг хэрэгжүүлж ажиллаагүй, хариуцсан байгууллагын төрийн албан хаагчдын ёс зүйн байдалд хяналт тавих үүргээ биелүүлээгүйн улмаас ХААДС-ийн зарим албан хаагчид ажлын хариуцлага алдсан, ёс зүйн зөрчил гаргасан тул сангийн захирал Н.Төмөрхүүд 2021 оны хоёрдугаар сарын 16-ны өдрөөр тасалбар болгон ажлаас халах сахилгын шийтгэл ногдуулав” гэх тайлбарыг өгсөн юм.

З.МЭНДСАЙХАН: Хариуцлага алдсан алба хаагчдыг ажлаас нь чөлөөлнө

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.eccold.top хариуцлага хүлээхгүй.