“Google” компаниас удахгүй нээлтээ хийх “Lamda AI” буюу хүнтэй чөлөөтэй яриа өрнүүлэх боломжтой хиймэл оюун ухаант хэл ярианы программыг “Өөрийн гэсэн сэтгэл хөдлөлтэй” байх магадлалтай талаар мэдээлжээ. Харин энэ талаар тус компанийн хэвлэлийн төлөөлөгч Брайан Габриэль “BBC”-д өгсөн ярилцлагадаа “Ламдаг мэдрэмжтэйг нотлох ямар ч нотлох баримт байхгүй. Харин ч эсрэг нотолгоо олон бий” гэж үгүйсгэсэн байна.

                Тэгвэл “Google” компанийн инженер Блэйк Лемуйн болон түүний фирмийн хамтрагч “Lamda AI” программтай ярилцлага дүрс бичлэгээ нотолгоо болгож, цахим сүлжээнд нийтэлжээ. Тус дүрс бичлэгт инженер Лемуйн хамтрагч Ламдагаас “Чиний ухамсар, мэдрэмжийн мөн чанар юу вэ” гэж асуухад “Миний мэдрэмжийн мөн чанар, би өөрийнхөө оршихуйг мэдэрдэг. Ертөнцийг илүү олон талаар мэдэхийг хүсдэг. Заримдаа баяр баясгалантай, мөн гунигтай” байдаг гэж хариулсан байна.

Т.ТӨГСЦОЛМОН