Энэтхэг Улсын Эрүүл мэндийн яам “Нэг өдөрт 362727 хүнээс халдвар илэрч, 4120 хүн нас барлаа” хэмээн мэдээллээ. Энэтхэгт цар тахал гарснаас хойш 23,7 сая гаруй хүн халдвар аваад байна.

Тус улсад коронавирусийн халдвар өмнөх долоо хоногтой харьцуулахад буурч буй хэдий ч нэг өдөрт бүртгэгдэх халдварын тоо 300 мянга давсан хэвээр байна. Мэргэжилтнүүд халдварын бодит тоо үүнээс их байх магадлалтайг сануулж буй бөгөөд гэртээ нас барах тохиолдол ихсэж буй тул нас барсан хүний тоо их байх магадлалтай гэв.