Энэтхэгт сүүлчийн саруудад коронавирусийн халдвар эрчимжиж, халдварын тоо өдөр ирэх тутам нэмэгдэж байсан билээ. Тэгвэл даваа гарагт нэг өдөрт бүртгэгдэх халдварын тоо багасаж, халдвар буурах хандлагатай байна гэв. Тийм хэдий ч нэг өдөрт бүртгэгдэх халдварын тоо 300 мянга давсан хэвээр байна.

Тус улсын Эрүүл мэндийн яам “Нэг өдөрт 366161 хүнээс халдвар илэрч, 24 цагт 3754 хүн нас барлаа” хэмээн мэдээлэв.

Цар тахал гарснаас хойш тус улсад 22.6 сая гаруй хүн коронавирусийн халдвар авч, 246 мянга гаруй хүн нас бараад байна. Шарил хадгалах газар дүүрч, эмнэлгийн хүчилтөрөгч дууссан тул энэ тоо бодит тооноос их байх магадлалтай гэж мэргэжилтнүүд үзэж буй аж.

Тавдугаар сар гарснаас хойш 1.7 сая хүнээс сорьц авсан нь тухайн улсын хамгийн бага үзүүлэлт гэж мэдэгджээ.