ХӨСҮТ-өөс Менингококийн халдварын талаар мэдээлэл өгч байна “Менингококкт өвчнөөр оношлогдсон хүүхдийн биеийн байдал хүнд, амь тэмцсэн байдалтай байсан. Өчигдөр орой ХӨСҮТ-д хэвтсэн, харамсалтай нь хүүхдийн биеийн байдал хүнд байсан учраас үдээс өмнө нь эндлээ. 2024 онд менингококкт халдварын сэжигтэй таван тохиолдол бүртгэгдэж, лабораторийн шинжилгээгээр хоёр тохиолдол батлагдсан. 2025 онд сэжигтэй хоёр тохиолдол бүртгэгдсэний нэг батлагдсан. Өчигдөр Баянгол дүүргээс сэжигтэй тохиолдол илэрч, лабораторийн шинжилгээ хийсэн. Эмчилгээ хийгдэж байгаа, шинжилгээний хариу гарахыг хүлээж байна. Менингококкийн халдвар бол түргэн явцтай, хурдан өвчилдөг өвчин. Иргэд халуурсан, тууралт гарсан тохиолдолд эмнэлэгт яаралтай хандах хэрэгтэй” гэв.