Хан-Уул дүүргийн XI хороонд байрлах Астра Вилла хотхонд оршин суудаг 120 орчим айл өрх зөөврийн усаар ундны хэрэглээгээ хангаж байна. Тодруулбал,тус хотхоны ус түгээх сангийн бохирдал 2018 оноос яригдаж, 2019 оны аравдугаар сард Нийслэлийн мэргэжлийн хяналтийн газраас халуунд тэсвэртэй гэдэсний савханцар илэрсэн учраас үйл ажиллагааг нь хаасан.

УСУГ-тай хамтран оршин суугчдыг өглөө 10:00 цаг орой 17:00 цаг буюу өдөрт хоёр удаа ундны усаар хангаж байна

Харин тус орон сууцны инженерийн байгууламжийн ашиглалтыг хариуцдаг “Баатар дулаан хан” компанид ус түгээх сан болон шугам хоолойд ариутгал, халдваргүйжүүлэлт хийх албан даалгавар өгсөн байдаг. Энэ хүртэлх хугацаанд Астра вилла хотхоны оршин суугчид ундны хэрэглээгээ хүнсний дэлгүүрээс зөөсөөр иржээ. Харин ус түгээх сангийн халдваргүйжүүлэлтийн ажил хийгдэх хугацаанд УСУГ-тай хамтран оршин суугчдыг өглөө 10:00 цаг орой 17:00 цаг буюу өдөрт хоёр удаа ундны усаар хангаж байна. Тус хотхоны Сууц өмчлөгчдийн холбооны дарга Д.Ганбаатараас ус түгээх сан бохирдох болсон шалтгааныг тодрууллаа.