Япон Улсын  баруун Хоиого мужийн Авази арлаас 2004 онд олдсон үлэг гүрвэлийн чулуужсан ясыг шинэ төрөл зүйлийнх болохыг судлаачид тогтоосон байна.

Анх 2004 оны тавдугаар сард 72 настай Кишимото Шингүо үлэг гүрвэлийн доод эрүү, мөр зэрэг хэсгийн чулуужсан ясыг илрүүлсэн байдаг.

Улмаар уг чулуужсан ясанд судлаачид шинжилгээ хийж одоогийн байдлаар өвсөн тэжээл Гадрозавридын бүлгийн Ламбеозавриных гэж үзээд байгаа юм.

Мөн Хоккайдо их сургуулийн профессор Кобаяши Ёшицүгүгээр ахлуулсан судлаачдын баг нэмэлт судалгаа хийж уг үлэг гүрвэлийн чуулуужсан яс нь Гадрозавридын бүлгийн урьд өмнө нь хэзээ ч олдож байгаагүй шинэ төрөл зүйл гэж баталжээ.

Судлаачдын багийн ахлагч Кобаяши Ёшицүгүгийн үзэж буйгаар Гадрозавридын төрлийн уг үлэг гүрвэл нь Цэрдийн галавын үед амьдарч байсан аж.

Японы бурхдын нэг Изанагигийн нэрээр нэрлэсэн уг үлэг гүрвэлийг 7-8 метр өндөр, 4-5 тонн жинтэй байсан гэж үзсэн байна.

Эх сурвалж: Science Daily