БНХАУ-ын судлаачдын баг тус улсын зүүн хэсэгт байрлах Фужянь мужийн Шаньхан дүүргээс “Үлэг гүрвэлийн бүжгийн талбай” хэмээн нэрлэдэг үлэг гүрвэлийн их хэмжээний ул мөрийг олсон байна. Анх тус “Бүжгийн талбай”-н 100 метр квадрат хэмжээтэй газарт 200 орчим үлэг гүрвэлийн мөрийг тогтоогоод байсан талаар БНХАУ-ын Гео Шинжлэх Ухааны Их Сургуулийн судалгааны багийн гишүүн, палеонтологич Син Лида мэдээлсэн аж. Харин өнөөгийн байдлаар 80 сая гаруй жилийн настай 600 гаруй үлэг гүрвэлийн мөрийг 1600 метр квадрат талбайгаас олжээ.

Цаашид судалгааны ажлыг үргэлжлүүлбэл ул мөрийнх нь тоо 1000-ыг давж, үлэг гүрвэлийн олдвор олох боломжтой талаар судалгааны багийнхан мэдээлэв.

Эх сурвалж: XINHUANET