Барак Обама Ж.Байденыг дэмжиж буйгаа илэрхийлэв 
АНУ-ын Ерөнхийлөгч асан Барак Обама Төрийн тэргүүний сонгуульд Ардчилсан намаас нэр дэвшиж буй Жо Байденыг дэмжиж буйгаа анх удаа олон нийтийн өмнө илэрхийллээ. Тэрбээр Филадельфи мужид болсон сонгогчдын уулзалтад оролцож, нэр дэвшигчийг дэмждэгээ илэрхийлсэн тухай CNN уламжлав. Үүний сацуу АНУ-ын Ерөнхийлөгч Дональд Трамп татвар маш бага төлсөн тухай өгүүлсэн “The New York Times”-ын нийтлэлийг уулзалтын үеэр Барак Обама хүмүүст сануулж байлаа. 

Нэг сая хүн коронавирусийн халдвар авчээ 

Европын холбооны улсууд дундаас коронавирусийн халдвар авсан хамгийн их тохиолдол Испанид байна. Жонс Хопкинсын их сургуулийн мэдээллээр тус улсад цар тахал эхэлснээс хойш “Ковид-19”-ийн халдвар авсан хүний тоо нэг сая гарсан бөгөөд энэ үзүүлэлтээр дэлхийд зургадугаарт орж байгаа юм. Одоогоор 34.3 мянган хүн нас бараад буй. 

Ромы пап ижил хүйстнүүдийн гэрлэлтийг дэмжлээ

Ромын хамба Франциск  бэлгийн цөөнх буюу ЛГБТ, ижил хүйстэн хосын гэрлэлтийг дэмжиж буйгаа илэрхийлэв. “Тэд ч бас гэр бүл зохиох эрхтэй, бурхны хүүхдүүд. Бэлгийн чиг хандлагаасаа болж хэн нэгэн гадуурхагдах ёсгүй” гэж тэрбээр хэлжээ. Ватиканы зүгээр ийм байр суурь илэрхийлж буй анхны пап нь Франциск болж байна.