ОНЦЛОХ ҮЙЛ ЯВДАЛ

1525 он

1525 оны нэгдүгээр сарын 21-ний энэ өдөр Швейцарийн Анабаптист хөдөлгөөн үүсжээ. Анабаптист хөдөлгөөн анх үүссэн түүх нь Конрад Гребель, Феликс Манз, Жорж Блаурок зэрэг 10 гаруй хүн Цюрих дэх Манзын ээжийн гэрт нэгэндээ баптисм хүртээснээр эхэлсэн гэдэг. Хожим Анабаптист хөдөлгөөн нь олон мянган жил үргэлжилсэн сүм-төрийн уламжлалыг эвдсэн юм.

1789 он

1789 оны нэгдүгээр сарын 21-ний энэ өдөр Америкийн анхны роман “Дотоод сэтгэлийн хүч” хэвлэгдэж, уншигчдын хүртээл болж байжээ. “Дотоод сэтгэлийн хүч” номыг анх АНУ-ын Бостон хотод есөн шиллингийн үнээр худалдаж эхэлсэн ч, роман тийм ч сайн худалдагдаагүй юм.

1793 он

1793 оны нэгдүгээр сарын 21-ний энэ өдөр шинээр байгуулагдсан Францын парламент XVI Людовикыг “урвагч” гэж үзэн, цаазаар авчээ. Уг үйл явдлыг түүхчид Францын хувьсгалын томоохон үйл явдал болсон гэж үздэг бөгөөд XVI Людовикыг өнөөгийн Францын Хувьсгалын талбайд олон нийтийн өмнө цаазаар авсан байна.

2008 он

2008 оны нэгдүгээр сарын 21-ний энэ өдөр дэлхийн хөрөнгийн зах зээлд “Хар” даваа гараг болжээ. Европын хувьцаанууд есдүгээр сарын 11-ний хоёр өндрийн сүйрлээс хойших хамгийн муу дүнгээр хаагдаж, Азийн хувьцаанууд 15 хүртэлх хувиар буурсан байдаг.

ОНЦЛОХ ХҮН

Григорий Распутин

1869 оны нэгдүгээр сарын 21-ний энэ өдөр Оросын эзэн гүрний түүхэн дэх хамгийн их анхаарал, маргаан дагуулсан шидтэн Григорий Распутин мэндэлсэн гэдэг. Бага наснаасаа тариалангийн ажил эрхэлж байсан Распутин эзэн хаан Николасын эхнэр Царина Александрагийн эдгэшгүй өвчнийг эмчилж, эзэн хаан II Николасын ордонд суух болжээ. Мөн тухайн үед олон хүн Распутинг дэлхийн I түүнд шидээ ашиглаж, Романовын гүрнийг уналтад оруулсан гэж ярьдаг байсан аж.  Харин шидтэн Распутин 47 насандаа Оросын эзэн гүрний язгууртнуудад хорлогдож амиа алдсан юм.