ОНЦЛОХ ҮЙЛ ЯВДАЛ

1477 он

1477 оны нэгдүгээр сарын 5-ны энэ өдөр түүхийн хуудсанд Нэнсийн тулаан гэж тэмдэглэгдэн үлдсэн тулаан эхэлжээ. Нэнсийн тулаанд Бургундын гүн Чарльз Болд, Лотарингийн герцог II Рене, Швейцарийн холбооны эсрэг тулалдсан юм. Тулаанд 7000 гаруй хүн амь эрсдэж, Ренегийн цэргүүд ялалт байгуулсан байдаг.

1781 он

1781 оны нэгдүгээр сарын 5-ны энэ өдөр Бенедикт Арнольд тэргүүтэй Британийн тэнгисийн цэргүүд АНУ-ын Виржиниа мужийн Ричмонд хотыг бүхэлд нь шатаажээ. Бенедикт Арнольд уг дайралтыг хийхээр генерал Корнуоллистай холбоотон болж, нийт 1600 цэргийн хамт Ричмонд хот руу дайрсан юм.

1919 он

1919 оны нэгдүгээр сарын 5-ны энэ өдөр Герман Улсад ажилчин нам байгуулагдаж, Германы Үндэсний социалист ажилчдын намын анхдагч болжээ. Германы Үндэсний социалист ажилчдын нам нь Герман Улсын удирдагч Адольф Гитлерээр удирдуулсан тоталитар дарангуйллын үеийн эрх баригч нам юм.

ОНЦЛОХ ХҮН

Жорж Ривз

1914 оны нэгдүгээр сарын 5-ны энэ өдөр Америкийн жүжигчин Жорж Ривз мэндэлжээ. Жорж Ривз нь цуврал комикын нэрт дүр болох супермэний дүрийг дэлгэцийн урлагт бүтээсэн анхны жүжигчин байсан бөгөөд 1952-1958 онд үзэгчдийн хүртээл болсон “Супермэний адал явдал” кинонд супермэний дүрийг бүтээж байсан юм.