ОНЦЛОХ ҮЙЛ ЯВДАЛ

1909 он

1909 оны аравдугаар сарын 26-ны энэ өдөр Солонгосын үндсэрхэг үзэлтэн Ан Жун Гюн Японы анхны Ерөнхий сайд Ито Хиробумиг буудан хөнөөнөөжээ. Тухайн үед Японы Ерөнхий сайд Ито Хиробумиг Манжуур дахь Оросын төлөөлөгч Владимир Коковцовтой уулзахаар Харбины төмөр замын өртөөн очоод байсан аж. Солонгосын үндсэрхэг үзэлтэн Ан Жун Гюн Харбин өртөөнд Ито Хиробумиг зургаан удаа буудсаны гурав нь цээжин тус газарт нь тусаж, амийг нь хөнөөсөн байдаг.

1918 он

1918 оны аравдугаар сарын 26-ны энэ өдөр дэлхийн I дайн дуусжээ. Эл өдөр  Германы дээд командлагч байсан Эрик Людендорф Засгийн газартайгаа эвлэрэх хэлэлцээр хийхдээ тохиролцсон нөхцлүүдээ эсэргүүцэж, огцорсон байдаг. Түүнээс хойш Германы арми холбоотны орнуудаас   цэргүүдээ татаж эхэлсэн юм.

1984 он

1984 оны аравдугаар сарын 26-ны энэ өдөр алдарт “Терминатор” кино нээлтээ хийж байжээ. Өнөө цаг хүртэл үргэлжилсээр байгаа алдарт кино зохиолыг Жеймс Камерон бичин найруулж, продюсерээр нь Гейл Энн Хурд ажилласан байдаг бөгөөд гол дүрийг нь Арнольд Шварцнеггер бүтээсэн билээ.

2019 он

2019 аравдугаар сарын 26-ны энэ өдөр АНУ-ын тусгай хүчний дайралтын үеэр дэлхийн хамгийн аюултай түвшинд эрэн сурвалжлагдаж байсан, ISIS-ийг үндэслэгч Абу Бакр аль-Багдади амиа алдсан. Тухайн үед АНУ-ын тусгай хүчнийхэн Абу Бакр аль-Багдадигийн Сири дэх гэр рүү нэвтэрч, хантаазыг нь шатаахад хүчнийхэн Абу Бакр аль-Багдади гурван хүүхдийн хамт буланд шахагдахдаа хүүхдүүдийнхээ амийг хөнөөж, амиа егүүтгэсэн байдаг.