ОНЦЛОХ ҮЙЛ ЯВДАЛ

НТӨ 331 он

НТӨ 331 оны аравдугаар сарын 1-ний энэ өдөр Македонийн хаан Александр Македон Гогамелагийн тулаанд Персийн III эзэн хаан Дариусыг ялжээ. Уг тулаан нь Македони, Персийн хоёр хааны дундах хоёр дахь их тулаан болсон бөгөөд тулааны дараа Александр Македони Персийн эзэн хаан болсон юм. Гогамелагийн тулаанаас өнөө цагийн түүхчид зэр, зэвсгийн хүч бус, явган цэргийг маш нарийн тактиктай ашиглаж чадсанаар Александр Македонийг ялалтад хүрсэн гэж үздэг байна.

1867 он

1867 оны аравдугаар сарын 1-ний энэ өдөр Германы эдийн засагч, философич Карл Маркс “Das Kapital” бүтээлээ олны хүртээл болгожээ. “Das Kapital” нь сонгодог улстөрийн уламжлалт эдийн засгийн арга зүйгээр бичсэн трактат юм. Карл Маркс 1867 оны есдүгээр сарын 14-нд “Das Kapital” номоо хэвлүүлж, тухайн оны эл өдөр худалдаанд гаргасан байдаг.

1908 он

1908 оны аравдугаар сарын 1-ний энэ өдөр зохион бүтээгч Хенри Форд “Форд Т” загварын автомашиныг олон нийтэд танилцуулжээ. Тухайн үед 200 мянга орчим хэмжээгээр зохион бүтээгдсэн “Форд Т” автомашиныг өдөр тутмын хэрэглээнд ашиглаж, “хөл залгахад” ашиглахаар бүтээсэн байна. “Форд Т” загварын автомашин нь тухайн үед 825 ам.доллар буюу өнөөгийн ханшаар 18 мянган ам.долларын үнэтэй байсан юм.

1949 он

1949 оны аравдугаар сарын 1-ний энэ өдрийн 15:00 цагт өнөөгийн БНХАУ-ын нийслэл Бээжин хотын Тянь Аньмэний талбайд Хятадын Коммунист намын дарга Мао Зэдун Хятад Улсыг БНХАУ болсныг тунхаглаж, Бээжин хотыг нийслэлээ болгосон байдаг. Уг үйл явдлын үеэр БНХАУ-ыг тунхаглаж, шинэ төрийн дууллыг ард иргэддээ сонсгож, шинэ төрийн далбааг үндэстэн даяар мандуулсан аж.

ОНЦЛОХ ХҮН

VI Чарльз

1685 оны аравдугаар сарын 1-ний энэ өдөр Ариун Ромын эзэнт гүрний эзэн хаан VI Чарльз мэндэлжээ. VI Чарльз хаан өөрийн ах I Жозефийг залгамжилж, Австрийн хаан ширээнд суусан. Улмаар идэр залуу үедээ улсын хааны хувиар олон тулалдаанд оролцож, Ариун Ромын эзэнт гүрний эзэн хаан болж байжээ. VI Чарльз хаан 1740 оны аравдугаар сарын 20-нд Унгарын хилээр өвлийн цагт ан хийж яваад ирснийхээ дараа хүнд өвчтэй болж, амиа алдсан юм. Түүнийг үхлийн шалтгааныг хортой мөөг идсэн гэж тодорхойлсон ч, гаднын нөлөөтэй байж болзошгүй хэмээн цуурхал тараасан хүмүүс Австрийн залгамжлалын дайныг эхлүүлсэн байдаг.