ОНЦЛОХ ҮЙЛ ЯВДАЛ

70 он

70 оны есдүгээр сарын 27-ны энэ өдөр Ромын эзэнт гүрний арми Иерусалимын дээд хотын хэрмийг нураажээ. Уг үйл явдал болохоос таван сарын өмнө Ромын Эзэн хаан Титус Август Иерусалимыг бүсэлж, тулааны стратегиар Иерусалим дахь хоол хүнс, усны нөөцийг дуусахыг хүлээсэн байдаг. Улмаар таван сарын дараа хэрмийг нурааж, Иерусалимыг эзэлсэн юм.

1905 он

1905 оны есдүгээр сарын 27-ны энэ өдөр хүн төрөлхтөн анх удаа Альберт Эйштейний “Харьцангуй онол”-ыг мэддэг болсон юм. 1905 оны эл өдөр 26 настай байсан онолын физикч Альберт Эйнштейний “Биеийн инерц энергийн агууламжаас хамаардаг уу” нэртэй өгүүлэл “Аннален дер Физик” сэтгүүлд нийтлэгдэж байжээ. Уг өгүүлэлд “Харьцангуй онол”-ын ерөнхий онол болон E = mc² тэгшитгэлийг танилцуулсан байдаг.

1908 он

1908 оны есдүгээр сарын 27-ны энэ өдөр зохион бүтээгч Хенри Фордын анхны үйлдвэрийн Модел Т загвар үйлдвэрээсээ гарч байжээ. Хенри Форд АНУ-ын Мичиган мужийн Детройт хотод үйлдвэрээ байгуулснаас ердөө сар гаруйн хугацааны дараа уг загварын гаргасан байдаг. Эл өдөр үйлдвэрээс гаргасан загвар бол Модел Т автомашины 15 сая дахь загвар байсан юм.

ОНЦЛОХ ХҮН

Агустин де Итурбид

1783 оны есдүгээр сарын 27-ны энэ өдөр Мексикийн анхны Эзэн хаан Агустин де Итурбид мэндэлжээ. Агустин де Итурбид 1821 оны эл өдөр Мексикийн Мехико хотод өөрийн хяналтыг байгуулж, улстөр, цэргийн эвсэл байгуулснаар хаан ширээн суусан байна. Итурбид 1822 оны тавдугаар сарын 19-нөөс 1823 оны гуравдугаар сарын 19-ний өдөр хүртэл хаанчилж, Испаниас тусгаар тогтнолоо салгасан байдаг. Тэрээр 40 насандаа цаазлуулж, амиа алдсан. Ердөө жил хүрэхгүй хугацаанд хаан ширээнд суусан түүнийг өнөөгийн Мексикийн төрийн далбааг зохион бүтээсэн гэж үздэг байна.