ОНЦЛОХ ҮЙЛ ЯВДАЛ

96 он

96 оны есдүгээр сарын 18-ны энэ өдөр Ромын Эзэнт гүрний Эзэн хаан Домитиан бусдын гарт амиа алдсаны дараа Нерва Эзэн хаанаар өргөмжлөгджээ. Нерва нь Ромын Эзэнт гүрнийг гурван жил удирдсан бөгөөд Ромын Эзэнт гүрний түүхэн дэх хамгийн анхны сенатаар сонгогдсон Эзэн хаан гэдгээрээ түүхэнд мөнхөрчээ. Өнөөг хүртэл түүний амьдралын тухай тодорхой мэдээлэл хадгалагдаж үлдээгүй. Нерваг өнөө цагт ухаалаг Эзэн хаан байсан гэдэг ч дунд зэрэглэлийнх байсан гэж үздэг байна.

1793 он

1793 оны есдүгээр сарын 18-ны энэ өдөр АНУ-ын нийслэл Вашингтон хотод байрлах Капитолын ордны суурийг тавих ёслолын ажиллагаа болж байжээ. Уг ёслолын ажиллагаанд АНУ-ын анхны Ерөнхийлөгч Жорж Вашингтон оролцож, Капитолын суурийг тавьсан байдаг. Америкийн суурь тавих зан үйлийн дагуу Мэрилендийн Их мастер Жозеф Кларк оролцож байсан юм.

1812 он

1812 оны есдүгээр сарын 18-ны энэ өдөр таван өдрийн турш үргэлжилсэн Москвагийн гал унтарчээ. Тухайн үед алдарт байлдан дагуулагч, Францын эзэн хаан Наполеоны цэргүүд Бородиногийн тулааны дараа Москва хотод очиж, түймэр тавьсан байдаг. Таван өдрийн турш үргэлжилсэн их түймрийн улмаас Москва хотын 75 гаруй хувь нь устаж, 12 мянган хүн амиа алдсан юм.

ОНЦЛОХ ХҮН

Мики Мантли

“Мик” хочит Америкийн мэргэжлийн бейсболын тоглогч Мики Мантли 1965 оны есдүгээр сарын 18-ны энэ өдөр мэргэжлийн бейсболын 2000 дахь тоглолтдоо оролцож байжээ. “New York Yankees” багийн түүхэн дэх хамгийн агуу тоглогч, мөн бүх цаг үеийн хамгийн зальтай тоглогчдын нэг гэгддэг тэрээр 18 жилийн карьераа нэг багийн төлөө зориулсан байдаг. Мики Мантлиг 1974 онд Бейсболын Алдрын танхимд оруулж, 1999 онд Бейсболын бүх зууны шилдэг багт сонгосон юм.

Роналдо

1976 оны есдүгээр сарын 18-ны энэ өдөр Бразилын алдарт хөл бөмбөгч Роналдо Луиз Назарио де Лима мэндэлжээ. Роналдо мэргэжлийн хөл бөмбөгийн “Реал Валладоли” клубд довтлогчоор тоглож, оны шилдэг хөл бөмбөгч шалгаруулах “Алтан бөмбөг”-ийн хоёр удаагийн эзэн болж, хөл бөмбөгийн Дэлхийн аварга шалгаруулах тэмцээний гурван удаагийн шилдэг тоглогчоор шалгарч байв. Хожим хөл бөмбөгийн спортоосоо зодог тайлж, “Реал Валладоли” клубын Ерөнхийлөгч нь болж, өнөөг хүртэл бизнес эрхэлж байгаа юм.