ОНЦЛОХ ҮЙЛ ЯВДАЛ

1916 он

1916 оны есдүгээр сарын 15-ны өдөр хүн төрөлхтөн анх удаа хуягт танкийг дайнд ашиглажээ. Дэлхийн I дайны үед гурван жилийн турш танк бүтээхийг оролдсон Их Британи 1916 онд хуягт танкаа амжилттай гүйцэтгэж, Германы эсрэг дайнд ашигласан байдаг. Хамгийн анхны хуягт танкийг “Бяцхан Вилли” гэж хочилсон гэнэ. Анхны хуягт танкийг жолоодсон багийн бүрэлдэхүүн найман гишүүнтэй бөгөөд “Бяцхан Вилли” 5.9 километр/цаг хурдалдаг байсан юм.

1981 он

1981 оны есдүгээр сарын 15-ны өдөр Польшийн Пап лам хоёрдугаар Жон Пол капитализм, марксизмын эсрэг "Laborem exercens" нэвтэрхий толь бичгийг гарсан байдаг. "Laborem exercens" нэвтэрхий толь бий болсноор Польш болон Европын коммунист орнуудад капитализм, марксизмын дэглэмийг зогсооход маш том нөлөө үзүүлсэн хэмээн хүлээн зөвшөөрөгддөг аж.

ОНЦЛОХ ХҮН

Марко Поло

Дэлхийн нэрт аялагч, худалдаачин Марко Поло 1254 оны есдүгээр сарын 15-ны энэ өдөр Итали Улсын Венец хотод Николай Полын хүү болон мэндэлжээ. Тэрээр 1263 оноос эцэг Николай, авга ах Матвей нарынхаа хамт Акка буюу одоогийн Хойд Палестинаас гарч, Ойрх дорнод, дундад болон төв Ази, өмнөд болон баруун өмнөд Азийн олон орноос аялж, өөрийн үзсэн бүхнээ 1298 он “Орчлонгийн элдэв сонин” хэмээсэн номондоо буулгасан нь дэлхийн түүхэн үйл явдал болж, тэмдэглэгдэн үлдсэн юм.