Гэр бол энэ дэлхийн хамгийн дулаахан газар. Тэнд л бидний зүрх сэтгэл дэх хамгийн дотно, дулаахан хүмүүс оршин байдаг болохоор ч тэр байж магадгүй. Нийгмээс өгсөн олон дүрүүдээс ангижирч, гэртээ л бид өөрийнхөөрөө, өөрөөрөө байж чаддаг.

Гэвч коронавирусийн халдварыг дотооддоо алдсанаас улбаалан нийслэлээс гарах, нийслэл рүү орох хөдөлгөөнийг хязгаарласнаар олон иргэн гэртээ харьж чадахгүйд хүрээд байгаа. Хэдий орон нутгийн иргэдийг нутаг буцаах  ажлыг УОК үе шаттай зохион байгуулсаар ирсэн ч харьж чадаагүй хүмүүс байсаар байна. Хэдхэн хоногийн өмнөөс орон нутгийн иргэдийг гаргах ажлыг УОК нийслэл, аймгийн Онцгой комисстой хамтран зохион байгуулж эхэлсэн ч өчигдөр Ховд аймаг руу зорчиж байсан хоёр иргэнээс коронавирусийн халдвар илэрснээр иргэдийн хөдөлгөөнийг тодорхойгүй хугацаагаар хязгаарлаад байгаа билээ.

Тэгвэл энэ шийдвэр гарахаас өмнө орон нутгаа, гэрээ зорих иргэдийн яарсан сэтгэлийг гэрэл зурагт буулгаснаа хүргэж байна.