УИХ-ын гишүүн С.Ганбаатар Оюутолгойн асуудлаар Сүхбаатарын талбайд хоёр дахь өдрөө өлсгөлөн зарлаж байна. Өчигдөр түүний тэмцлийг дэмжиж иргэд болон УИХ-ын зарим гишүүн, МАХН-ын дарга Н.Энхбаяр нар ирж, гарын үсгээ зурсан. Тэрбээр "Оюутолгойн асуудлаар Засгийн газар Олон Улсын шүүхэд сөрөг нэхэмжлэл гаргах хүртэл өлсгөлөнгөө үргэлжлүүлнэ" хэмээн мэдэгдсэн. Харин Засгийн газрыг төлөөлж Хууль зүй, дотоод хэргийн сайдын үүрэг гүйцэтгэгч Х.Нямбаатар, ЗГХЭГ-ын дэд дарга Б.Солонгоо нар Сүхбаатарын талбайд ирж УИХ-ын гишүүн С.Ганбаатартай уулзсан. Ингэхдээ Оюутолгойн хэлэлцээрийн талаар мэдээлэл өгч өлсгөлөнгөө зогсоохыг гуйсан юм.