Жилийн жилд Улаанбаатарын утаа нийслэлчүүд бидний толгойны өвчин, тэрбум тэрбумаар нь зарцуулаад ч шийдэлд хүрдэггүй, эрх баригчдын халаасаа зузаатгах, мөнгө угаах эх үүсвэр байсаар ирсэн. Харин өнгөрсөн жилээс түүхий нүүрс хэрэглэхийг хориглож, сайжруулсан шахмал түлш түлэх болсноор Улаанбаатарын утаа буурсан ч энэ хугацаанд угаарын хийн хордлогоор олон хүн, хүүхэд хорвоогийн мөнх бусыг үзлээ.

        Гэвч эрх баригчид өнөөг хүртэл иргэдээсээ уучлал гуйх нь байтугай "Улаанбаатарын утаа мэдэгдэхүйц, бүүр 80 хувиар буурсан" хэмээн ам уралдан магтаж буй. Харин иргэд, учир мэдэх хүмүүс "Улаанбаатарын утаа улам ч аюултай болсон" гэж байгаа.

        Тэгвэл бодит байдал дээр утаа үнэхээр арилсан уу гэдгийг гэрэл зургийн сурвалжилгаар хүргэж байна. Өглөөний 08:00 цагт ч, үдшийн бүрийд ч Улаанбаатарын утаа хоолой хорсгож, үзэгдэх орчин хязгаарласан хэвээрээ л байна. Харин утааны хар өнгө нь цагаан болж өөрчлөгдсөн юм даг уу даа.