Нийслэлийн Баянгол дүүргийн V, VI хорооны  гарах, орох хөдөлгөөнийг өнөөдрөөс гурав хоногийн хугацаанд хязгаарлалаа. Тодруулбал, 25 дугаар эмийн сангаас Саппорогийн уулзвар хүртэл, мөн Улсын гуравдугаар төв эмнэлгээс Гэмтлийн эмнэлгийн нутаг дэвсгэрт  энэ сарын 11 хүртэл хязгаарлалт тогтоож байна.

Хязгаарлалт тогтоох хугацаанд  явуулын 50 баг, нийт 300 хүний бүрэлдэхүүнтэй баг байр тус бүрд очиж, оршин суугчдаас PCR шинжилгээ авах юм. Гэхдээ тус дүүргийн V,VI хороонд  үйл ажиллагаа явуулж буй хүнсний дэлгүүр, эмийн сан ажиллана. Зөвлөгөө, шинжилгээтэй холбоотой мэдээллийг 1800-1222, 7012-3217 дугаараас лавлах боломжтой. Мөн хязгаарлалтын дэглэм хэсэгчлэн тогтоосон хоёр хороонд тандалт, илрүүлгийн шинжилгээ авч дууссаны дараа ариутгал, халдваргүйтгэл бүрэн хийнэ.