Монголын Ардчилсан холбооны анхны цуглаан 1989 оны арванхоёрдугаар сарын 10-нд нийслэл хотноо болсон нь Цагаан морин жилийн Ардчилсан хувьсгалын эхлэл байв. Ардчилсан хувьсгал амжилтад хүрэх хүртэлх бүхий л үйл явдлын мэдээллийг дэлхий нийтийн сонорт хүргэж, анхаарлын төвд оруулж чадсан хүн бол Ройтерс агентлагийн Финляндын сэтгүүлч Иръяа Халаш юм.

Түүний Aрдчилсан хувьсгалын 30 жилийн ойд зориулсан "СЭРСЭН МОНГОЛ" 1990 оны фото зургийн үзэсгэлэн Монголын уран зургийн галерейд 2020.10.02-10.04 өдрүүдэд үргэлжилнэ.