Хотын гудамжаар зав чөлөөтэй, юунд ч яаралгүйгээр алхаж явахдаа урдхан талд алхаж яваа, эсвэл зөрж өнгөрөх хүмүүсийн гутлыг харж, зөвхөн гуталны тухай бодож үзсэн үү, Гутланд бүх эсрэгцэл байдаг юм шиг. Халтартсан, Гоёмсог, Өсгийтэй, Өсгийгүй, Үнэтэй, Хямдхан, Хар, Цагаан, Үдээстэй, Үдээсгүй...Бас гутланд бүх өнгө байдаг юм шиг. Улаан, ягаан, ногоон, бас шар. Зарим гутал яг л сайн найз шиг ч юм шиг. Цаанаа л дулаахан, хэзээд эвтэйхэн, ямар ч үед хөл холгож өвтгөхгүй тийм түшигтэй. Бас гутал яг л итгэл эвддэг хуурамч нэгэн шиг. Гаднаа гоёмсог атлаа чийгтэж, холгож тухгүйтүүлнэ, яг чухал үед ул нь салж ханзраад хөл нүцгэлж мэднэ.