Эргэлт.мн мэдээллийн сайтын үүсгэн байгуулагч, ерөнхий эрхлэгч Э.Хүрэлбаатарын бичсэн “Үргэлж миний төлөө, үсээ цайтал миний төлөө” тэмдэглэлээс онцлох эшлэлүүдийг хүргэж байна.

 энд дарж уншаарай

 “Миний хүү бие нь зүгээр үү. Ээж нь хүүгээ зүүдлээд ээ. Санаа зовоод сууж болохгүй болохоор нь уул руу явган алхаж ирээд хүүтэйгээ ярьж байна”

“ Хүүгээ хүн амьтны хэл аманд өртчих вий гэж бодоод өглөө болгон цайныхаа дээжийг өргөж байгаа шүү” 

“Өнгөрсөн Цагаан сараар очиход ээжийн минь санчигны үс зөндөө буурал болчихсон байсан нь нүдэнд харагдаад гол зурах шиг болов”

“Цайсан үсний ширхэг болгон нь миний төлөө санаа нь зовсны тэмдэг  гэдэгт би огт эргэлзээгүй”

 “Хүн нас биед хүрэх тусам ээжээсээ холддог ч юм шиг”

“Ээждээ эрхэлж туньж, ээжийнхээ их хайран дунд өдий хүрснээ өнөөдрийг хүртэл бодож байгаагүй ч юм шиг санагдав”

“Ээж минь хүүгээ үргэлж дэргэдээ байгаасай гэж нууцхан боддог байх. Төрөхийн орон дээр өвдөж байхдаа хүртэл өөрийгөө зөнд нь хаяж, зөвхөн намайг л бодсон байх”

“Ээжийнхээ их хайранд би хүүхэд байхдаа нэг ч удаа даарч үзээгүй”

“Ээжийнхээ нойргүй хонон байж оёсон бээлийг яасан ч их хаяж, хүнд хамаагүй өгдөг байв аа”

“Бид дөрвийг төрүүлснээс хойш ээж минь цалингаараа дуртай юмаа хүссэнээрээ авч үзээгүй байх аа”

“Миний төлөө өргөсөн цай, сүүний дээж нь намайг муу муухай болгоноос хамгаалдаг гэдэгт би итгэдэг”

“Бусдын нүдэнд би сайхан харагддаггүй байж магад. Гэхдээ би ээжийнхээ нүдэнд хамгийн сайхан нь”

Г.Азжаргал