Эргэлт.мн мэдээллийн сайт энэ удаагийн фото сурвалжилгаа "Bohem" компанийн долоон жилийн ой, үүсгэн байгуулагч А.Бямба-Оюуны төрсөн өдөрт зориулан зохион байгуулсан "Boho Mongolian" шоунаас бэлтгэлээ. Тус шоу нь энэ сарын 19-нд On'n Off Production-d болсон бөгөөд загварын шинэ өнгө төрх, донж маягийг илэрхийлснээрээ онцлог байлаа.

      Шоуны дахин давтагдашгүй, гайхалтай үзүүлбэрүүдийг дизайнеруудын олон жилийн туршлага, цөөнгүй хоногийн хөдөлмөрөөр бэлтгэн, оролцогчдод сонирхуулсан гэдгээ зохион байгуулагчид шоуны үеэр онцлон ярьж байв. Шоуны  ерөнхий хэв маяг нь индиан болон эртний түүхэн хүмүүсийн хувцасны загварт тулгуурлан гаргаснаараа өвөрмөц, шинэлэг болжээ. Загварын шоуг рок попын тоглолт, галт үзүүлбэртэй хослуулсан нь үзэгчдийн таашаалд илүүтэй нийцэж байсныг онцлох хэрэгтэй. Энэ ч утгаараа оролцогчид "Энэ жилийн хамгийн галзуу, гайхамшигтай, дахин давтагдашгүй шоу болж байна" хэмээн сэтгэгдлээ илэрхийлж байсан биз ээ. 

      "Boho Mongolian" загварын шоуг “Хатун” агентлагийн захирал Б.Батдулам найруулан зохион байгуулж, хамтрагч байгууллагаар “Хурд” хамтлаг МУГЖ Д.Отгонбаяр, ивээн тэтгэгчээр “CRM- MATE MATE”, дэмжигч байгууллагаар "Хайтан төв", “Нигүүн” салон ажиллалаа. Ингээд шоуны үеийн зарим содон дүр төрхийг сонирхоно уу.