Сагсан бөмбөгийн “бурхан” хэмээн хочлуулдаг Америкийн үндэсний сагсан бөмбөгийн холбооны “Чикаго Буллс” багийн тоглогч асан Майкл Жорданы бичсэн нэгэн хайрын захидлыг уншигч та бүхэнд хөрвүүлэн хүргэж байна. Түүний бичсэн эл захидал өнөө цагт хадгалагдан үлдсэн алдартай хүмүүсийн бичсэн шилдэг 10 гар бичмэлийн нэгт зүй ёсоор тооцогддог гэнэ. Майкл Жордан ахлах сургуульд байх даа сэтгэл бүсгүй Лакетдаа хаяглан доорх захидлыг бичжээ. Гэвч уг захидлыг Лакетаас үл таних нэгэн хулгайлсан бөгөөд 2004 онд дуудлага худалдаанд оруулсан гэдэг. Майкл Жорданы “Хамгаас хайрт Лакетдаа” хэмээх уг гар бичмэл 5100 ам.доллароор үнэлэгдсэн юм.

Хамгаас хайрт Лакетдаа

Чи болон гэр бүлийнхэн чинь сайн сууж байгаа гэдэгт найдаж сууна. Би чамд химийн хичээлийн танхимаас захидал бичиж байна. Энэ маань чамд хэчнээн их анхаарал хандуулдаг вэ гэдгийг ойлгуулна гэж найдъя. Өнгөрсөн шөнийн үдэшлэгт чамайг маш эвгүй байдалд оруулсандаа уучлалт гуймаар санагдаад үүнийг бичихээр шийдсэн юм. Тэгээд уучлаарай гэж хэлмээр байв ч нэг л болж өгөхгүй байна. Чамайг ойлгоосой гэж хүсэж байна.

      Үдэшлэг дээр миний урилгыг хүлээж авсанд чинь баярлаж байна. Харин би чиний хариуг сургуулийнханд бүгдэд нь хэлсэн дээ уучлалт хүсье. Хүн бүхэн чамайг “Сургуулийн хамгийн хөөрхөн бүсгүй” гэх юм билээ. Энэ үнэн шүү. Би ч үүнтэй санал нийлдэг (хүлээн зөвшөөрч байна). Гэхдээ үүнийг бүү тогтоож аваарай (инээмсэглэ). Миний төрсөн өдрөөр аав маань сагсан бөмбөгийн багийнхнийг минь хоолонд урьчихсан. Багийнхан бүгдээрээ завгүй болоод ирэх тоглолтод оролцож чадахгүй болох нь. Гэхдээ зүгээрээ би валентины баяраас өмнө чам дээрээ заавал очих болно. Тиймээс битгий уурлаарай. Хэрэв боломжтой бол бүхий л зүйлсийг чамтайгаа хамт хийж үзмээр байна.

       Чамайг гэсэн сэтгэл минь хараахан өөрчлөгдөөгүй гэдгийг мэдээсэй гэж хүсэж байна (хошигнол). Би өөрөөсөө хамаагүй намхан охинтой алхахдаа одоо л дасаж байна. Чамд захидал бичихээр суухад цаг хугацаа хамаагүй ухаалгаар өнгөрч байгаа мэт санагдах боллоо. Удахгүй хариу бичнэ гэж найдаж байна. За би явах ёстой боллоо, хичээлийн цаг бараг л дуусаж байна. Дараагийн удаа уулзацгаая.

Хамгаас хайрт,

Майкл Д. Жордан