Говь-Алтай аймагт одоогийн байдлаар коронавирусийн халдвар бүртгэгдээгүй байгаа. Ховд аймагт коронавирусийн халдварын тохиолдол нэмэгдэж байгаатай холбогдуулан  Говь-Алтай аймагт дөрөвдүгээр сарын 25-н хүртэл гаднаас нэг ч иргэн нэвтрүүлэхгүй байх шийдвэрийг аймгийн Онцгой комисс нь гаргажээ. Түүнчлэн аймаг, сум хоорондын хөдөлгөөнийг аймгийн Онцгой комиссын дагуу шийдвэрлэнэ гэдгээ мэдэгдсэн байна.

Коронавирусийн халдварын голомт болсон Улаанбаатар хотод хэрэгжүүлсэн гурав дахь удаагийн Өндөржүүлсэн бэлэн байдлын зэргийг өнгөрсөн хоёрдугаар сарын 23-нд бууруулж, нийслэлээс орон нутаг руу гарах хөдөлгөөнийг гуравдугаар сарын 1-нээс нээснээс хойш өнөөдрийн байдлаар Монгол Улсын 19 аймагт халдвар тархаж, 0-17 насны 400 гаруй хүүхэд орон нутагт өвчлөөд байна.