Хэнтий аймгийн Бор-Өндөр суманд Улаанбаатар хотоос очсон хүний түргэвчилсэн оношлуурын хариу эерэг гарчээ. Тодруулбал, тус сумын урд байрлах Иргэний нисэхийн ерөнхий газрын харъяа Радио лакоторын станцад ээлж солигдохоор очсон хүнээс түргэвчилсэн оношлуураар шинжилгээ авахад хариу нь эерэг гарсан байна. Тус иргэн нь өнөөдөр буюу гуравдугаар сарын 25-нд Улаанбаатар хотоос очжээ.

Одоогийн байдлаар PCR шинжилгээ хийгдэж байгаа бөгөөд сэжигтэй тохиолдлын ойрын хавьтлыг илрүүлэх, маршрут тогтоохоор Бор-Өндөр сумын Онцгой комиссоос зохион байгуулан ажиллаж байна.