Дорнод аймгийн Халхгол сумын Ташгай багийн Ёнгор гэдэг газарт өнөөдөр буюу  04:09 цагт дөрвөн магнитудын хүчтэй газар хөдлөлт болсон тухай мэдээллийг Шинжлэх ухаан академийн Одон орон, геофизикийн хүрээлэнгээс ирүүлжээ. Тус аймгийн Онцгой байдлын газраар дамжуулан тухайн газарт үйл ажиллагаа явуулдаг “Петрочайна дачин тамсаг” ХХК-ийн хөдөлмөр хамгаалал, аюулгүй ажиллагааны инженерээс тодруулахад “Иргэдэд чичирхийлэл хүчтэй мэдрэгдсэн боловч хохирол учраагүй” хэмээжээ.

Ташрамд дурдахад, Халхгол сумын Ялалт багийн Тулгат хонхор гэдэг газарт газар хоёрдугаар сарын 9-нд 3.8 магнитудын хүчтэй газар хөдлөлт болсон тухай мэдээллийг Шинжлэх ухаан академийн Одон орон, геофизикийн хүрээлэнгээс мэдэгдсэн билээ.