Дорнод аймгийн Халхгол сумын Ялалт багийн Тулгат хонхор гэдэг газарт газар хөдөлжээ. Тодруулбал, тус сумын төвөөс баруун зүгт өчигдөр 00:59 цагт 3.8 магнитудын хүчтэй газар хөдлөлт болсон тухай мэдээллийг Шинжлэх ухаан академийн Одон орон, геофизикийн хүрээлэнгээс мэдэгдсэн байна. Тус аймгийн Онцгой байдлын газраар дамжуулан Ялалт багийн Засаг даргаас тодруулахад “Иргэдэд чичирхийлэл мэдрэгдээгүй бөгөөд учирсан хохиролгүй” хэмээжээ.  

Ташрамд дурдахад, өчигдөр шөнөөс эхлэн Хөвсгөл аймгийн Ханх суманд газар хөдлөхөө больжээ.