Сэлэнгэ аймагт коронавирусийн халдварын хяналт, тандалтын болон шинжилгээ авах үйл ажиллагаа үргэлжилсээр байгаа аж. Өчигдөр тус аймгийн Нэгдсэн эмнэлгийн вируслогийн лабораторид 366 хүнээс PCR шинжилгээ авахад коронавирус илрээгүй байна. Тус аймгийн хэмжээнд 217 тохиолдол батлагдсанаас 95.8 хувь буюу 208 иргэн эдгэрчээ. Одоогийн байдлаар 185 иргэн бүрэн эдгэрч, сувиллын хяналтад 13, гэрийн ажиглалтад 10 хүн байна. Харин Нэгдсэн эмнэлэгт коронавирусийн халдвартай есөн хүн эмчлүүлж байна. Мөн Улаанбаатар хот болон бусад эрсдэлтэй бүс нутгаас 183 өрхөд 555 иргэн ирж гэрийн ажиглалтад байгаа талаар Сэлэнгэ аймгийн Онцгой комиссоос мэдээллээ.