Дорноговь аймгийн Замын-Үүд суманд их хэмжээний бороо орж, үерлэсэнтэй холбоотойгоор тус сумаас Улаанбаатар хот руу зорчих автозамын хөдөлгөөнийг хаасан талаар сумын Засаг даргын Тамгын газраас мэдээлжээ. Тодруулбал, өнөөдөр буюу 2023 оны долдугаар сарын 21-ний өдөр Замын-Үүд сумаас 22 км зайд орших Шаргын Овоо зөрлөг орчимд их хэмжээний усархаг бороо орж, үерлэжээ. Үерийн ус босоо тэнхлэгийн автозам дээгүүр хальсны улмаас зам угаагдаж, нурах эрсдэл үүссэн тул Замын-Үүдээс Улаанбаатар руу зорчим автозамын хөдөлгөөнийг түр хугацаагаар хаасан байна.

Үер, усны нөхцөл байдал болон автозамын хөдөлгөөний талаар бид эргэн мэдээлэх болно.