Говь-Алтай аймгийн Анагаахын сургуульд бусад орон нутгаас ирж суралцдаг 400 гаруй оюутныг нутагт нь буцаасан байна. Монгол Улсын Шадар сайдын 2020 оны 11 дүгээр сарын 25-ны өдөр баталсан 146 дугаар тушаалын дагуу Зорчигч тээврийн үйлчилгээг зохион байгуулах түр журмын хэрэгжилтийг хангуулан тус оюутнуудыг орон нутагт нь буцаах ажлыг хоёр өдрийн турш зохион байгуулсан байна. 12 дугаар сарын 1-нд Ховд аймаг, 2-нд Увс, Баян-Өлгий, Завхан аймгийн оюутнуудыг орон нутаг руу нь буцаах ажлыг холбогдох хяналт шалгалтын дор нэгдсэн журмаар зохион байгуулжээ.