Дархан, Улаанбаатар чиглэлийн авто замын нэг, гурав, тавдугаар хэсгийн замын ажил дууссан бөгөөд маргааш нээхээр болжээ. Харин хоёр, дөрөвдүгээр хэсгийн замын ажил болох Хар модот давааны араас Урьхан хүртэлх 45.5км, Сүмбэрийн уулзвараас Цайдамын хөндий хүртэлх 45.08 км замын ажил огт эхлээгүй байгаа юм. Ирэх хавар замыг дахин хааж хоёр, дөрөвдүгээр хэсгийн нийт 90 км замын ажлыг эхлүүлэх юм байна. Тус замыг барихаар тендерт шалгарсан “Чайна Стэйт Шинжиан Констракшн Инженеринг групп” татгалзах хүсэлтээ өгсөн. Тиймээс гэрээг цуцлах ажиллагаа явж байгаа аж. Үүний дараа дахин сонгон шалгаруулалт зарлах юм байна.