Баярын өдрүүдэд согтуугаар автомашин жолоодож, замын хөдөлгөөнд оролцож байгаа жолооч нарын тоо эрс нэмэгджээ. Өдөрт хэдэн арван жолооч архи, согтууруулах ундаа хэрэглэсэн үедээ автомашин жолоодож, зам тээврийн осол гаргаж байна. Тээврийн цагдаагийн алба болон орон нутгийн замын цагдаа нар 24 цагийн эргүүл, хяналт хийж согтуугаар жолоо барьж байгаа жолооч нарыг илрүүлж, учирч болзошгүй осол аваараас авран хамгаалах ажлыг хийж байна. Тодруулбал, Төв аймгийн Эрдэнэсант сумын цагдаагийн албан хаагчид хоёрдугаар сарын 5-ны өдөр А0301 УБ-Хархорин чиглэлийн замд согтууруулах ундаа хэрэглэсэн таван жолоочийн зөрчлийг илрүүлэн, гарч болзошгүй зам тээврийн осол хэргээс урьдчилан сэргийлжээ.

Иймд замын хөдөлгөөнд оролцож байгаа жолооч нарыг архи, согтууруулах ундааны зүйл хэрэглэсэн үедээ хөдөлгөөнд оролцохгүй байхыг анхааруулж байна.