Ховд аймгийн 29 малчин өрх гадны аймагт отроор өвөлжиж байна. Тодруулбал, Ховд аймгийн 29 малчин өрхийн 14 мянга 900 толгой мал гадны аймаг, сумын нутагт отроор өвөлжиж байна. Тодруулбал, манай аймгийн малчид Говь-Алтай, Завхан, Хөвсгөл, Хэнтий гэх мэт аймгийн нутагт отроор өвөлжиж, хаваржина гэх судалгаа гарчээ. Харин манай аймгийн нутаг дэвсгэрт одоогоор хил залгаа Баян-Өлгий, Увс аймгаас 27 малчин өрх отроор ирж, 31.4 мянган толгой мал сүргээ маллаж байна. Малчид отрын сүргийг бэлчээрийн шинж чанараар нутагт дасгах, таргалуулах гэсэн хоёр арга хэрэглэдэг. Зун, намрын отор бол тарга хүчний отор. Харин өвөл, хаврын отор бол бэлчээр сонгож мал сүргийг онд сайн оруулах отор юм.