Нийслэлийн лавлагаа, мэдээллийн 1800-1200 тусгай дугаар нь 24/7 цагийн хуваариар ажиллаж байгаа бөгөөд гуравдугаар сарын 5-8-ны хооронд нийт 1087 дуудлага иргэдээс иржээ. Нийт дуудлагын хүлээлгийн дундаж хугацаа 11 секунд, иргэнтэй ярьсан дундаж хугацаа 1.35 секунд  байсан аж. Мөн “Нийслэлийн мэдээ” фэйсбүүк хуудасны чатботод 19 иргэн хандсанаас10 иргэн автомат хариулагчаас мэдээлэл авч, есөн иргэнд оператор ажилтан мэдээлэл өгч ажиллажээ.

      Иргэдээс ирсэн дээрх дуудлагын 443 буюу 40.7 хувийг шинжилгээний цэгийн хаяг, байршил, цагийн хуваарь, шинжилгээний цаг хэрхэн захиалах, шинжилгээний цэгийг нэмэгдүүлэх талаарх дуудлага эзэлж байсан юм. Харин  265 буюу 24.4 хувийг гуравдугаар сарын 3, 4-нд өгсөн шинжилгээний хариу гарахгүй удаж байгаа талаарх гомдол, мэдээлэл эзэлсэн байна.