М.НАЙДАНХҮҮ: Хүнсний хангамжийг нэмэгдүүлэхийн тулд дотоодын аж ахуй нэгжээ дэмжих чухал

2024-03-05, 604

“Хүнсний хангамж, аюулгүй байдлыг хангах талаар авах зарим арга хэмжээний тухай” УИХ-ын 36-р тогтоолыг хэрэгжүүлэгч байгууллагуудын гурав дахь удаагийн зөвлөлдөх уулзалт боллоо. Тус уулзалтад Нийслэлийн Засаг даргын Шинжлэх ухаан, технологи, инновацын асуудал хариуцсан зөвлөх M.Найданхүү оролцож, “Нийслэл дэх Хүнсний хангамж, аюулгүй байдал болон УИХ-ын 36 дугаар тогтоолын хэрэгжилт”-ын талаар илтгэл, танилцуулга хийсэн юм.

УИХ-ын 36 дугаар тогтоолын хүрээнд нийслэлийн зүгээс Хүнс, хөдөө аж ахуй, хөнгөн үйлдвэрийн салбарын эрх зүйн орчныг сайжруулах, газар тариалан, мал аж ахуй, хүнс боловсруулах үйлдвэрлэл, удирдлага, зохион байгуулалтын чиглэлээр нийт 24 үйл ажиллагаа, 58 арга хэмжээг зохион байгуулахаар төлөвлөөд байна.

Нийслэлийн хувьд гурилаа 100 хувь дотооддоо боловсруулдаг бол гурилан бүтээгдэхүүний 31 хувийг импортоор нийлүүлж байна. Мөн сүүний 78 хувийг дотооддоо, 27 хувийг хөдөө орон нутгаас нийлүүлж байгаа бол сүүн бүтээгдэхүүний 52 хувийг импортоор нийлүүлж байгаа юм. Харин элсэн чихэр, чихрийн зүйл, төрөл бүрийн будаа, ургамлын тос, жимс жимсгэнэ, шувууны махны 96-100 хувийг импортоор нийлүүлж байна. Иймд импортоор нийлүүлж буй дээрх төрлийн хүнсний бүтээгдэхүүнүүдийг дотооддоо үйлдвэрлэн, боловсруулах томоохон орон зай байгааг илтгэлийн үеэр хэлэлцжээ. Үүний тулд дотоодын аж ахуйн нэгжээ дэмжих, хамтран ажиллах, зээлийн таатай нөхцөлийг санал болгох шаардлагатай байгааг Нийслэлийн Засаг даргын зөвлөх М.Найданхүү онцолж байлаа.

Ташрамд, нийслэлийн хэмжээнд 2023 онд 120 сая өндөг үйлдвэрлэж, дотоодын хэрэгцээний 69 хувийг хангасан байна. Мөн өнгөрөгч онд өндөгний үйлдвэрлэлд 19.3 тэрбум төгрөгийн дэмжлэг үзүүлснээр үйлдвэрлэлийн хүчин чадлыг 15-20 хувиар нэмэгдүүлэх боломж бүрджээ.

М.НАЙДАНХҮҮ: Хүнсний хангамжийг нэмэгдүүлэхийн тулд дотоодын аж ахуй нэгжээ дэмжих чухал

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.eccold.top хариуцлага хүлээхгүй.

Нийт сэтгэгдэл: 1

Сэтгэгдэл үлдээсэн: 2024-03-05 17:13:35

Зочин: Эрхэм дарга нар минь Хятадаас хүнсний ногоо / Хор / оруулж ирэх хуулийг болиулж эх орноо авраач ядаж.

Шинэ мэдээ