Нийслэлийн онцгой комиссоос үер усны гамшигтай холбоотой нөхцөл байдлын мэдээлэл өглөө.

                 Энэ үеэр Нийслэлийн Засаг дарга бөгөөд Улаанбаатар хотын захирагч Д.Сумъяабазар “Үерт өртөж амь эрсэдсэн хүмүүсийн ар гэрийнхэнд Нийслэл Улаанбаатар хотын Засаг даргын тамгын газар, удирдлагын бие бүрэлдэхүүн, Нийслэлийн харьяа байгууллага, агентлаг, хувь хүнийхээ зүгээс гүн эмгэнэл илэрхийлж байна. Эдгээр иргэдийн ар гэрийнхэнд Нийслэлийн Засаг даргын нөөц хөрөнгөнөөс тус бүр хоёр өрөө байр олгохоор шийдвэр гаргалаа. 17:00 цагийн байдлаар Баянзүрх дүүргийн 21,29,27 дүгээр хорооны нийт 282 айл өрхөд, 50 айл өрх тусламж үйл ажиллагаа үзүүлж байна. Үерт өртсөн 500 орчим иргэний аюулгүй байдлыг хангаж хамгаалж бүрэн мэргэжлийн түвшинд ажилласан. Одоогоор орон гэргүй 18 өрхийн 70 иргэн байгаа. Эдгээр гамшигт өртсөн айл өрхөд Нийслэлийн Засаг даргын нөөц хөрөнгөнөөс тус бүр монгол гэр, иж бүрэн тавилгатай олгоно. Мөн хувийн хэвшлийнхэн нийгмийн хариуцлагын хүрээнд хамтран дэмжлэг үзүүлж ажиллахаа илэрхийлээд байна. Хамтран дэмжлэг үзүүлж байгаа хувийн хэвшлийнхэндээ мөн талархаж байгаагаа илэрхийлье. Мөн үерийн гамшигт өртсөн том, жижиг нийлсэн 105 тээврийн хэрэгсэл өртсөн байгаа. Эдгээр тээврийн хэрэгсэлд бид тодорхой дэмжлэг үзүүлэх шийдвэрийг гаргасан" гэв.