Нийслэлийн онцгой комиссоос мэдээлэл өглөө.

       Энэ үеэр Нийслэлийн засаг дарга Л.Сумъяабазар “Далан нь сэтэлсэн газар, усны урсгалыг чөлөөлөн, дахиж тасралтгүй урсацыг сайжруулж байгаа. Дээд эх үүсвэрээр ирж байгаа усны хэмжээ 10-15 см буурсан, IV цахилгаан станц, Гурвалжингийн гүүрний хавьцаа, "Апу" ХК-ийн арын байршлын гүүрний хажуу талд сэтэлгээ хийснээр урсаж хурдацтай урсаж хэвийн байдал руу орох талдаа байна. Зэвсэгт хүчний 250 орчим албан хаагчид ажиллаж байна. Дахиад 100 цэргийн албан хаагчид ирж хүч нэмнэ. Мөн Хууль сахиулахын их сургууль, Шүүхийн шийдвэр гүйцэтгэх газар, Хилийн цэргээс тус бүр 100 гаруй албан хаагч Чингэлтэй дүүргийн XIII, XV, Сүхбаатар дүүргийн XVI, XV хороонд шинээр үүсэж байгаа хүндрэлтэй хэсэг рүү ажиллахаар очиж байна. Хилийн цэрэг, Шүүхийн шийдвэрээс  нийлээд 300 гаруй албан хаагчид хүч зузаатган татаж ажиллагааг идэвхжүүлж байна. Мөн ял эдэлж буй 180 гаруй хүн ажиллаж байна. Дотоодын цэргээс 150, Онцгой байдлын 565 албан хаагч, цагдаагийн 461 албан хаагч хүндрэлтэй орчимд ажиллаж байна. Иргэд, аж ахуй нэгжийн оролцоо ч байгааг онцолмоор байна" гэв.