Өнгөрсөн аравдугаар сарын 1-ний өдөр Чингэлтэй дүүргийн нутаг дэвсгэрт Ард кино театрын орчим байрлах "CIRCLE K" дэлгүүрт нэгэн эмэгтэй төрүүлсэн хүүхдээ хогийн саванд хаясан хэрэг гарсан билээ. Тус компанийн ажилчид цагдаагийн байгууллагад дуудлага өгснөөр хүүхдийг ЭХЭМҮТ-ийн сэхээн амьдруулах тасагт хүргэн, эмчилгээ хийж байсан юм. “Нярайн биеийн байдал хүнд байсан. Эмнэлэгт ирснээс хойш хоёр удаа мэс засалд оруулж, шаардлагатай эмчилгээнүүдийг шат дараатайгаар хийж байсан ч, биеийн байдал дээрдэхгүй байсаар энэ сарын 3-4-нд шилжих шөнө 02:00 цагт нас барсан” гэсэн мэдээллийг эмнэлгийн байгууллагаас өгч байна.