Агаарын бохирдол манай улсын хүн амын нас баралтын гол шалтгаан болсон ч сүүлийн 10 жилд агаарын бохирдлын эсрэг арга хэмжээнд улсын нийт төсвийн 1.2 хувьтай тэнцэх хөрөнгө зарцуулсан байна. Мөн гадаадын 60.7 сая ам.долларын буцалтгүй тусламж зарцуулжээ. Энэ онд 138.4 тэрбумыг агаарын бохирдлыг бууруулах ажилд зарцуулсан бол ирэх онд 143.4 тэрбум төсөвлөжээ. Төлөвлөсөн мөнгө нь энэ  оныхоос таван тэрбумаар нэмджээ.

Агаарын бохирдлыг бууруулахад зориулан нэмэж байгаа хөрөнгийг цахилгааны хөнгөлөлт, сайжруулсан түлшний түгээлт, борлуулалт болон бусад арга хэмжээнд зарцуулах аж. Үүний дүнд агаарын бохирдол 70-80 хувь буурах боломжтой гэж гарчээ.