Өнгөрсөн баасан гарагт “Зайсан хилл”-д болсон “Камертон” хамтлагийн тоглолтын асуудлаар Нийслэлийн Засаг дарга бөгөөд Улаанбаатар хотын захирагч Д. Сумъяабазар, УОК-ын нарийн бичгийн дарга Т.Баярхүү, нийслэлийн Мэргэжлийн хяналтын газрын дарга Л.Эрдэнэчулуун нар өнөөдөр 14:00 цагаас мэдээлэл хийлээ.  

НМХГ-ын дарга Л.Эрдэнэчулуун “Зайсан хилл”-д үйл ажиллагаа явуулдаг “СОБТ трейд” ХХК өмнө нь хэд хэдэн удаа зөрчил гаргаж, хариуцлага тооцож байсан. Тухайлбал, өмнө нь олон хүн хоолны хордлогод орж байсан. Энэ бүхэнд торгуулийн арга хэмжээ авч байсан. Одоо авч байгаа арга хэмжээ эцсийнх байх болно. Бид үйл ажиллагааны чиглэлийг нь цуцлах саналыг холбогдох байгууллагад нь хүргүүлсэн” гэлээ.