ЭМДЕГ-аас энэ онд гэрээ байгуулсан эрүүл мэндийн тусламж үйлчилгээний байгууллагуудаа танилцууллаа.

Тус газраас энэ онд нийт 2446 эрүүл мэндийн байгууллагатай гэрээ хийсэн бөгөөд үүнд төрийн хэвшлийн 69, хувийн хэвшлийн 170, 30 сувилал, 510 өрх, сум, тосгоны эрүүл мэндийн төв, 1667 эмийн сантай гэрээ байгуулжээ. Өнгөрсөн онд 2402 байгууллагатай гэрээ байгуулж байжээ.

Харин гэрээ байгуулаагүй байгууллагуудад нийслэл Улаанбаатар хотод “Интермед”, “Бурам”, “Манба дацан”, “Мишээл”, “Увидаст байгаль”, “Чимэг оюун”, “Мөнхийн ус”, орон нутагт Булган аймгийн “Ман од”, “Энх үрс”, Орхон аймгийн “Мажа”, Өвөрхангай аймгийн “Асархайрхан” зэрэг эрүүл мэндийн төвүүд багтсан байна. ЭМДЕГ-аас гэрээ байгуулсан нийт 2446 эрүүл мэндийн байгууллагыг тусламж, үйлчилгээний төрлөөр нь ангилж үзвэл,

-Хэвтүүлэн эмчлэх төрлөөр 215 байгууллага,

-Амбулторын үзлэг, хяналт, эмчилгээ, оношлогооны чиглэлээр 71 байгууллага,

-Өндөр өртөгтэй оношлогоогоор 52 байгууллага,

-Яаралтай тусламжийн төрлөөр 56 байгууллага,

-Түргэн тусламжаар 37 байгууллага,

-Өдрийн эмчилгээ, үйлчилгээний чиглэлээр 68 байгууллага,

-Хорт хавдрын химийн эмчилгээний төрлөөр 34 байгууллага,

-Сэргээн засах тусламж үйлчилгээгээр 78 байгууллага,

-Хөнгөвчлөх тусламж үйлчилгээний төрлөөр 54 байгууллага,

-Уламжлалт анагаах ухааны үйлчилгээгээр 68 байгууллага байна.