Улаанбурхан өвчний нөхцөл байдлын талаар ХӨСҮТ-өөс мэдээлэл өглөө.

         Энэ үеэр тус газрын захирал Э.Анхбаяр “Энэ оны хоёрдугаар сарын 18-наас хойш улаанбурхан өвчний 1756 тохиолдол бүртгэгдсэн байна. Үүнээс 1199 нь эдгэрчээ. Нийт 11аймагт улаанбурхан өвчний тохиолдол бүртгэгдсэн. Үүнээс нийт тохиолдлын 73 хувь нь нийслэлд, 27хувь нь аймгуудад батлагдсан байна.

10-14 нас-40 орчим хувь

0-4 нас-22 хувь байна. ХӨСҮТ-д хоёрдугаар сарын 8-наас хойш нийт 804 хүн хэвтэж эмчлэгдээд гарсан байна. Одоогоор 264 хүн эмчлэгдэж байна. Улаанбурхны дархлаажуулалт, вакцинжуулалтын аян болсонтойгоор дархлаажуулалтын хамрагдалт нэмэгдэж байна. Улаанбурхны тохиолдлын тоо нэмэгдэх тусам хүндрэлийн тоо ихэсдэг. Өнөөдөр үүрээр дөрвөн сартай хүүхдээс улаанбурхан өвчин оношлогдож, эндсэн харамсалтай тохиолдол гарсан. Эмгэнэл илэрхийлье. Хүүхдийн биеийн байдал хүнд ирсэн. Хоёр, гурван эмнэлэг дамжсан, сар гаруй хугацаанд хатгалгаатай явсан байсан. Тэгэхээр улаанбурханы дэгдэлт ихэссэнтэй холбоотой дархлаажуулалтад хамрагдаагүй олон хүүхэд өвдөх эрсдэл өндөр байна. Мөн архаг хууч өвчтэй хүүхэд эндэх эрсдэл ихтэй байна. Иймээс эцэг, эхчүүд, ард иргэд та бүхэн дархлаажуулалтдаа хамрагдаарай” гэв.