Налайх дүүргийн 307-р цэцэрлэгийн хүүхдээс менингококкт халдвар илэрсэн. Үүнтэй холбогдуулан тус цэцэрлэг, мөн хоёр сургуулийн үйл ажиллагааг цахимд шилжүүлжээ. Энэ талаар тус дүүргийн Эрүүл мэндийн төвийн дарга Л.Байгаль "Бид тухайн халдварын голомт болж буй 307-р цэцэрлэг болон тус байранд байрлах сургуулийг тусгаарлалт авсан. Мөн халдварын тохиолдол бүртгэгдсэн хүүхдийн ойрын хавьтал болох 9 настай эгчийнх нь сургуулийг тусгаарлалт авч ариутган, энэхүү гурван газарт эхний арван хоногт хөл хорио тогтоохоор шийдвэрлэлээ. Өнгөрсөн шөнө бид дүүргийнхээ бүх цэцэрлэг, сургуулиудад цэвэрлэгээ, ариутгал голомтын халдваргүйжүүлэлт хийсэн. Ингээд өнөө өглөө хүүхдүүд хэвийн байдлаар хичээллэж байгаа. Дүүргийн Өрхийн эрүүл мэндийн төвөөс анги бүр дээр эмч нар үзлэг хийж байна. Нэмэлтээр тохиолдол бүртгэгдвэл дүүргийнхээ бүх сургууль, цэцэрлэгийг хаах төлөвлөгөөтэйгээр ажиллаж байна." гэв.