Эрүүл мэндийн яам, ХӨСҮТ-өөс коронавируст халдварын нөхцөл байдлын талаарх ээлжит мэдээллээ хийж, өнгөрсөн 24 цагийн хугацаанд ХӨСҮТ, ЗӨСҮТ-ийн вирус судлалын лаборатори, орон нутгийн вирус судлалын лабораториудад 18487 иргэнд шинжилгээ хийснээс 21 хүнээс халдвар илэрсэн талаар хэлсэн.

 БЗД-ийн ТҮК-ийн 56 ажилтнаас шинжилгээ авахад зургаан хүнээс, мөн тус дүүргийн 17 дугаар хороонд оршин суудаг зургаан хүнээс халдвар илэрчээ.

Эдгээр иргэний дөрөв нь “Ачтан-Элит клиник" эмнэлгийн батлагдсан тохиолдлын гэр бүлийн буюу ойрын хавьтал байна. Мөн БЗД-ийн 17 дугаар хороонд коронавируст халдвар голомтлон гарч болзошгүй нөхцөл үүссэн тул тус хороонд хязгаарлалт тогтоож тандалт судалгаа хийж эхэлсэн. Тэгвэл тус дүүрэг, хороонд хоёр хоног өргөжүүлсэн тандалт, судалгааны хүрээнд 6000 гаруй иргэнээс шинжилгээ авахад 12 иргэнээс халдвар илэрчээ. Тодруулбал, БЗД-ийн ТҮК-ийн 56 ажилтнаас шинжилгээ авахад зургаан хүнээс, мөн тус дүүргийн 17 дугаар хороонд оршин суудаг зургаан хүнээс халдвар илэрсэн байна.