Эрүүл мэндийн яамнаас ээлжит мэдээллээ өгсөн талаар мэдээлсэн. Энэ үеэр ХӨСҮТ-ийн Тандалт судалгааны албаны дарга А.Амбасэлмаа  “Амгалан цэгийн талбайд хяналт хийдэг байцаагч болон түүний хүүгээс өчигдөр халдвар илэрсэн. Гаалийн ажилтны голомтын цар хүрээг тогтоож, ойрын хавьтал 58 хүнийг тусгаарлаж шинжилгээ авсан.

Мөн хоёрдогч хавьтал болох 100 орчим хүнийг илрүүлж шинжилгээ авсан.  Хил хязгаар нь 200 гаруй хүн байгаа бөгөөд Нийслэлийн гаалийн газрын 150 гаруй хүнийг өнөөдөр шинжилгээнд оруулна. Одоогоор шинжилгээ хийсэн 100 гаруй хүнээс халдвар илрээгүй" гэв.