Эрүүл мэндийн яамнаас 17:00 цагийн ээлжит мэдээллээ өглөө. Коронавирусийн халдвар дотоодод илэрсэн үе буюу арваннэгдүгээр сарын 11-нээс хойш нийт 9239 хүнийг хавьтлаар илрүүлж, 115 тохиолдлыг батлан, эмчилж байгаа аж.

ХӨСҮТ-ийн Тандалт судалгааны албаны дарга А.Амбасэлмаа “ХӨСҮТ, ЗӨСҮТ-д 426 хүнд хийсэн шинжэлгээгээр Сэлэнгэ аймгийн хоёр иргэнээс  коронавирус илэрсэн. Ингэснээр дотоодод 122 тохиолдол бүртгэгдэж, улсын хэмжээнд нийт тохиолдол 557 боллоо. Үүнээс эдгэрсэн 337, ажиглалтын хугацаа дууссан 310 хүн байна. Халдвартын клиникт 213 эмчлэгдэж байгаагаас нэг хүний биеийн байдал хүнд байгаа бөгөөд хоёр иргэн эдгэрч, эмнэлгээс гарсан.

Караоке, зочид буудлаар дамжуулан халдварласан 18 тохиолдол голомт болоод байна

ТИР машины жолооч Д-гээс 13 хүн халдвар авснаас караоке, зочид буудлаар дамжуулан халдварласан 18 тохиолдол голомт болоод байна. Үүнтэй хамааралтай нэг орц, 20 айлын 60 гаруй иргэнд шинжилгээ хийхэд зургаан айлын 18 иргэнээс халдвар илэрсэн. Ойрын болон дам хавьтал болсон иргэд буюу караоке, зочид буудал, тэмцээн уралдаанд оролцсон иргэд эмнэлгийн байгууллагатай холбогдохгүй байна. Иймд УБ паласт үзвэр үзсэн, Эмоци продакшны тоглолт үзсэн иргэд нийтийн эрх ашгийн төлөө хандана уу” гэлээ.

2020.11.20 17:00 цагийн байдлаар

Улаанбаатар 33

Сэлэнгэ 53

Дархан-Уул 16

Орхон 13

Дорноговь 6

Говьсүмбэр 1 тус тус тохиолдол батлагдаад байна.